LAOAG CITY – Saan a matuloy iti panagatendar manen ni Cong. Martin Romualdez iti Independent Commission for Infrastructure (ICI) inton Oktubre 22.
Basar iti Independent Commission for Infrastructure, daytoy ket kalpasan a nagkiddaw ni Romualdez nga itantan ti panagatendarna iti panagdengngeg ti Komision gapu iti naka-schedule a medical procedure-na.
Gapu iti daytoy, inrakurak ti Independent Commission for Infrastructure a maminsan a mangiruarda manen ti abiso no inton ano ti sumaruno a panagsango ni Romualdez iti panagdengngeg.
Immunan nga inbatad ti Independent Commission for Infrastructure a kasapulan nga agsubli iti Komision ti dati nga House Speaker gapu ta saludsodenda ti linaon ti insubmitirna nga affidavit.
