LAOAG CITY – Nagballigi dagiti otoridad a nangtiliw ti maysa a construction a worker a sumangsango iti kaso nga arson kalpasan ti 19 a tawen iti Barangay 17, Tabtabagan iti ili ti Banna.
Ti akusado ket agtawen ti 51, naasawaan, construction worker, ken residente iti Brgy. 17 Barcelona iti ili ti Solsona.
Natiliw ti akusado babaen ti bileg ti maysa nga Alias Warrant of Arrest a napetsaan ti Oktubre 9, 2003 nga inparuk-at ni Hon. Judge Charles A Aguilar iti Branch 12 ditoy ciudad ti Laoag gapu iti kaso na nga arson.
Nairekomendar ti 24 a ribo a pisos a piyansa ti akusado para iti temporaryo a pannakawaya-waya na.
