LAOAG CITY – Naarestar ti maysa a construction worker iti buy-bust operation iti Barangay 14, San Gregorio iti ili ti San Nicolas.
Ti suspek ket maysa a lalaki, agtawen ti 33, awanan asawa ken residente ti Barangay 24, Sta. Monica iti nasao met laeng nga ili.
Basar iti San Nicolas Municipal Police Station, natiliw ti suspek kalpasan a naglako ti maysa nga heat sealed transparent plastic sachet a naglaon ti maipagarup a shabu iti police poseur-buyer.
Nakumpiskar manipud iti suspek ti tallo nga heat-sealed transparent plastic sachet a naglaon ti maatap a shabu nga agdagsen ti sumurok-kumurang 1.0 gram nga agbalor ti 6, 800 a pisos.
Malaksid iti daytoy, naala pay manipud iti suspek ti maysa ribu a pisos a nausar kas buy-bust money, maysa a cellphone, maysa a lighter ken nangisit a coin purse.
