LAOAG CITY – Isagsaganan ti PNP-Nueva Era ti kaso a quqlified theft kontra ti maysa a “constraction worker” a naduktalan a nagtakaw iti sinupot a semento.
Binigbig ni P/S/Insp. Gerardo Mabini Hepe ti Pulisya ti nasao nga ili ti suspek a ni Ronald Agpalasin y Sibbu, agtawen ti 33, naasawaan ken residente iti Brgy. Sto Niño ti nasao nga ili.
Segun ken ni Mabini, inako ni Agpalasin nga isu ti nangala kadagiti mapukpukaw a 21 a supot ti semento ngem 9 laengen dagiti narekubre.
Kuna na a napanunutan ti suspek ti nagaramid iti nasao a banag tapno adda igatang wenno isukat da iti kanen da.
Mamati ni Mabini a saan a maaramid nga agmaymaysa ni Agpalasin ti mangilemmeng iti nasao a bilang ti semento ngem isu na ngamin ti nagbulontaryo a nangako.
Mainaig iti daytoy, nagpannawagan ni Mabini kadagiti nakailklakuan wenno nakaisuksukatan ti semeneto a rumuar da ken agpalawag da tapno adda inayon da nga ebidensiya kontra iti nasao a suspek.
Maipalagip nga adda ti maob-obra a kalsada iti Bgy. Sto Niño baaben ti JLP construction ngem kastoy metten ti nakapasamakan na.
