LAOAG CITY – Inbatad ni Mr. Ren Faqiang, Consul and Head of Post ti Consulate of the People’s Republic of China iti Laoag City a kalikagom da nga ad-adda pay a mapatibker ti relasyon da iti gobierno lokal ditoy ciudad.
Kuna na a saan laeng nga iti benneg iti agrikultura ti tutukan da no di ket uray iti city government governance, trade, economy ken turismo ditoy ciudad.
Patien na a babaen iti daytoy ket ad-adda pay a pumintas ti langen-langen ti Pilipinas ken China.
Inrakurak na daytoy kalpasan a nakomendaran kabayatan ti session iti Sang panlungsod ditoy ciudad ti Laoag.
Kabayatanna, nagyaman met ti gobierno lokal ditoy ciudad iti kalikagom ni Faqiang nga ad-adda pay a mapatibker ti pannakipagayam da ditoy ciudad iti baet ti mapaspasamak iti nagbaetan ti Pilipinas ken China aglalo iti isyu iti West Philippine Sea.
