LAOAG CITY – Kinumpirmaran ni Mr. Ferdinand Quiroga, ti mangidadaulo iti Accounting Office ditoy ciudad ti Laoag a bassit ti posibilidad na a maaddaan iti nayon a sweldo/cash gifts dagiti contractual ditoy ciudad.
Daytoy ket gapo ta awan pay ti naiyetnag a pammilin manipod iti Department of Budget and Management (DBM) wenno iti opisina ni Presidente Rodrigo Duterte a maddaan ti nayon a sweldo wenno cash gift dagiti nasao nga empleyado ditoy pagilian.
Immuna ti daytoy, adda ti sentimiento dagiti dadduma nga empleyado ditoy ciudad ti Laoag gapu ta possible nga awan manen ti maala da a cash gift manipod iti gobyerno local intono bulan iti disyembre kas iti napalabas a tawen.
Inlawlawag met ni Mrs. Felicar Ancheta, ti mangidadaulo iti nadakamat a departmento a dagiti contractual ken casual employees ket arigna regular employee met laeng ti pannakatrato kadakuada gapu ta adda da iti government service idinto a dagiti COS ket inaldaw iti pannakatratar dagiti sweldo da.
Rumrumwar a dagiti nasao nga empleyado ket maikonsiderar a saan nga iti biang iti government service ken awan ti employee-employer relationship isut gapuna nga awan dagiti benepisyo a maaw awat da.
Mainaig ti daytoy, inbatad ni Quiroga a nu kalikagom dagiti opisyal a maaddan ti cash gift dagiti COS ditoy ciudad ket kasapulan a mangipasa da iti resolusyon para iti budget nga aprobaran iti konseho ken ti malacanang.
