LAOAG CITY – Inbatad ni Cristiano Ronaldo nga adda posibilidad nga agretiro kas professional footballer ita a tawen.
Kunana a no man ita ti maudi a tawenna iti football ket kalikagumna a mangibati ti maysa a spectacular legacy.
Ti agtawen ti 41 a Portuguese superstar ket naestablisarna ti puestona kadagiti all-time greats iti football no sadinno addaan ti rekord a 950 goals para iti club ken pagilian.
Maipalagip a nagkasar ni Ronaldo ken ti long-time partner-na a ni Georgina Rodriguez iti maysa nga intimate ceremony iti maysa Portuguese resort idiay Cascais.
Kabayatanna, kalpasan ti panangidaulona iti last 16 ti maudi a World Cup-na, manamnama a makipaset daytoy iti club-na nga Al Nassr para iti baro a Saudi Pro League season.
