LAOAG CITY – Inbilin ni Department of Agriculture (DA) Secretary Francisco Tiu Laurel Jr. ti temporaryo a panangipawil iti panagangkat ti poultry products manipod Indiana idiay Estados Unidos.
Daytoy ket gapu iti naireport a panagraira ti kaso ti H5N1 Avian Influenza wenno bird flu.
Karaman pay kadagiti maipawil ket ti panagangkat ti poultry meat, day-old chicks, itlog, ken dadduma pay a poultry-based products.
Gagem ti baro a pammilin a maprotehiran ti poultry industry iti Pilipinas kontra iti possible a pannakastrek ti virus manipod iti nasao nga estado.
