LAOAG CITY – Mangrugin nga agipasa ti aplikasyon dagiti negosyante nga agkalikgum nga agilako ti paputok ditoy ciudad ti Laoag.
Daytoy ti inpakamo ni Ms. Antonette Bareng, mangidadaulo ti Business Permit and Licensing Office.
Kinunana nga iti agdama ket adda ti 7 a nakakumpleton kadagiti kasapulan a dokumento tapno maipaayan ti permit nga aglako iti paputok.
Segun kenkuana, adda ti 17 a manamnama a mangipasa iti aplikasionda, a mangbukel ti 19 nga aglako.
Inpettengna a sakbay a dumanon dagiti aplikasion iti opisinada ket umuna a dumalan daytoy kadagiti dadduma nga opisina kas iti Bureau of Fire Protection (BFP) ken Camp Crame.
Inrakurakna nga apaman a mangrugi dagitoy nga aglako ket agpwestoda iti sirok ti Gilbert bridge ditoy ciudad a kas gagangay pagpwepwestoanda.
