LAOAG CITY – Agbalin nga agresibo ti ipakita ti Dallas Mavericks iti panangrugi ti Game 2-da kontra iti Oklahoma City Thunder ti Western Conference Semifinals series.
Daytoy ket kalpasan ti makadismaya a pannakaabak iti iskor nga 119-95 idi Game 1.
Segun ken ni Mavericks coach Jason Kidd a naaddaandan kadagiti adjustments kadagiti nakitada a biddot idi Game 1.
Sumagmamano ditoy ket ti panangpasayaat ti depensada ken panangliklik ti panagbiddot iti ay-ayamda.
Idi Game 1 binantayan ti Oklahoma City Thunder ti star player ti Mavericks a ni Luka Doncic a nakairekord laeng ti 19 a puntos, siam nga assists ken innem a rebounds.
