LAOAG CITY – Inlawlawag ni Mrs. Rose Jane Bonilla iti Brgy. 21 San Agustin iti ili ti San Nicolas mainaig iti dandani na pannakabudol-budol babaen kadagiti tallo a babbai.
Kuna na nga adda dagiti babbai nga agsursursur nga aggatgatang kadagiti daan a sensilyo, ken perdi nga alahas.
Segun kenni Bonilla, possible a ti mudos da ket saan a mapatgan amin dagiti maipakita kadakuada nga alahas wenno sensilyo.
Immuna iti daytoy, inpasingked dagiti babbai a gatangen da ti 3,000 a pisos ti anyaman a daan a sensilyo ken dagiti alahas uray fancy.
Nangipakita ni Bonilla kadagiti daan a sensilyo ken piresyuan da ti 1,000 a pisos agingga iti 3,000 a pisos.
Kalpasan ket nagsapul da ti fancy nga alahas agingga a nagpanayun da pay ti alahas.
Gapu iti daytoy, ket nagriri ni Mrs. Bonilla a manglokloko dagiti tallo a babbai agingga a nakisinnungbat kadagitoy.
Inbatad na a nagin-inot a pimmanay dagiti tallo a babbai ken atapen na a naglugan dagitoy iti nalabbaga a van a “Vesta”.
Nagballaag ni Bonilla nga agannad kadagiti agsursur kas dagiti tallo a babbai nga aggatang ti daan a sensilyo wenno perdi nga alahas.
Saan metten a naireport iti PNP ti nagbalin a kapadasan ni Bonilla.
