LAOAG CITY – Inpakammo ti Department of Public Works and Highways a guilty ni dati a Bulacan 1st District Engineer Henry Alcantara iti kaso administratibo gapo kadagiti ghost flood control project iti nasao a probinsia.
Iti desisyon a pinirmaan ni DPWH Secretary Vince Dizon, nagbasol ni Alcantara kas ti disloyalty to the Republic of the Philippines, grave misconduct, gross neglect in the performance of duty, ken Conduct Prejudicial to the Best Interest of the Service.
Kuna ni Dizon a ti nasao nga addang ket agserbi pay kas ballaag kadagiti opisial ken kameng ti ahensya a responsable kadagiti ghost ken substandard project.
Inpasigurado ti gobierno a madusa dagiti karaman iti anomalya a proyekto.
Immunan a kinumpirmaran ti sekretaryo a pormal a nasikkat iti serbisio ni Alcantara kas assistant regional director ti DPWH iti Region 4-A.
