LAOAG CITY – Na-cite in contempt ti dati a district engineer ti Bulacan 1st District Engineering Office Henry Alcantara iti agultuloy a panagdengngeg ti Senate Blue Ribbon Committee mainaig iti anomalya a flood control project.
Nagmosyon ni Senador Erwin Tulfo gapo iti kanayon a panangitudtudo ni Alcantara ken panangipapilit na nga awan ti ammo na kadagiti ghost project iti probinsya ti Bulacan.
Inlawlawag met ni Alcantara nga inpatunpal da laeng dagiti proyekto nga adda iti General Appropriations Act.
Nupay kasta, inbatad ni Tulfo a saan a rumbeng daytoy ken saan nga aramiden dagiti staff na ti proyekto no saan na a mismo inaprubaran.
