LAOAG CITY – Kinumpirmaran ti Philippine National Police nga awanen iti kustodiyar da ni dati a Department of Public Works and Highways (DPWH) Secretary Manuel Bonoan.
Inbatad ni PCol. Allen Rae Co, ti officer in charge ti Public Information Office ti Philippine National Police, naiyakar ni Bonoan idi rabii ti Martes, Hunyo 2 iti pribado nga ospital.
Ti nasao nga addang ket maibasar metlaeng iti nagbalin a
rekomendasyon ti doctor manipod iti General Hospital ti Philippine National Police gapu ta kurang ti pasilidad ti nasao nga ospital.
Inpasigurado met ni Co a naiget ti panagbantay dagiti otoridad iti ayan ni Bonoan no sadinno a limitado laeng iti abogado ken nasinged a kabagyan na ti mapalubusan nga umasideg kenkuana.
Maipalagip a naitaray iti PNP General Hospital ni Bonoan sumagmamano nga oras kalpasan a rimuar ti warrant of arrest na gapu iti kaso a plunder manipod iti Sandiganbayan gapu iti panagngato ti blood pressure na.
Nagpila ti kampo ni Bonoan ti apela iti Sandiganbayan a no mabalin ket ma-hospital arrest ti dati a sekretaryo gapu iti sitwasyon ti salun-at na.
