LAOAG CITY – Natiliw ti dati a reservist ti Philippine Army babaen ti search operation nga inyuswat dagiti kameng ti PNP ti Brgy. 3 ditoy siudad ti Laoag.
Nabigbig ti subject ti operasyon a ni Victorino Butay y Corpuz, agtawen ti 51, army reservist, tricycle driver, ken aggatgatang ken aglako lugan.
Segun kenni Police Lt. Col. Rafael Lero, hepe ti PNP Laoag, maipagarup nga aglaklako pay ti paltog, ken adda ti report a maipagarup a tinutukan na ti paltog ti pada na a tricycle driver.
Narekobre laeng dagiti otoridad ti maysa a magazine nga addaan ti pito a bala ti kalibre 45.
Patyen ni Lero a nakadlaw ni Butay rason nga awan ti narekobre da a da a paltog.
Naripar da nga adda ti lemma ti ima iti maysa kadagiti tawa iti pagtaengan ni Butay a possible a nakaipalusotan ti mismo a kalibre 45 a paltog ken adda ti acess da iti bangir a pagtaengan.
Nupay kasta, maisagsaganan ti maipila a panagsalungasing iti RA 10591 wenno iligal a panagikot ti bala kontra kenni Butay.
Kabayatanna, naglikudan ni Butay nga aglaklako daytoy ti paltog ken planted ti narekobre dagiti otoridad.
Naglikudan na pay nga adda ti nakariri na a pada na a tricycle driver.
Inpasingked ni Barangay Chairwoman Suzane Bueno ket awan ti record ni Butay iti barangay kangrunaan iti panagriribok malaksid laeng dagiti pannakiapa na iti kakabsat na.
