LAOAG CITY – Inbatad ti Iran a tingtingitingen da ti baro a proposal ti Estados Unidos tapno agpatinggan ti tension iti Middle East.
Daytoy ket kalpasan nga adda ti report a ti Washington ken Tehran ket dandani dan malpas ti maysa a panid ti memorandum tapno agpatinggan ti gubat iti Gulf kabayatan ti panangibati dan kadagiti isyu kas ti nuclear program ti Iran.
Inbatad ti Iranian foreign ministry spokesperson nga idanun ti Iran ti sungbatna babaen iti Pakistan iti kabiitan a panawen.
Immunan nga inrakurak ni US President Donald Trump babaen iti social media post, a mabalin a dandanin malpas ti gubat kalpasan nga immanugot ti Iran nga ipaay ti aniaman a napagtutulagan da.
Nupay kasta, saanen a nangipaay ni Trump ti naan-anay a detalye mainaig iti daytoy a banag.
