LAOAG CITY – Kinumpirmaran ti Sandiganbayan Third Division a nagpila ti petisyon ti kampo ni dati a Senador Ramon “Bong Revilla Jr. tapno makapagpiyansa iti non-bailable a kaso na a malversation.
Adda ti pakainaigan daytoy iti kaso na iti maipagarop a P92.8 ghost flood control project iti Pandi, Bulacan.
Maipalagip nga immunan a nangiserrek ti not guilty plea ti Sandiganbayan 3rd Division para ken ni Revilla kalpasan a nagkedked a mangisumitir ti plea na iti kangitingitan ti arraignment.
Immuna metten a nangiserrek ti not guilty plea ti Sandiganbayan Fourth Division para iti kaso a grafts ti dati a Senador.
Iti agdama, nagtalinaed a nakabalud ni Revilla iti New Quezon City Jail iti Payatas.
