LAOAG CITY – Nagduduma dagiti wagas nga isaysayangkat da US Vice Pres. Kamala Harris ken dati a US Pres. Donald Trump iti panagkampaniana da kabayatan ti umas-asideg a nga eleksyon.
Kagiddan iti daytoy ket ti panagsuot ni Republican candidate Donald Trump ti uniporme ti garbage collector ken naglugan iti trak ti basura bayat ti panagkampaniana idiay Wisconsin kalpasan nga inawagan ni United States President Joe Biden a basaura dagiti supporters ni Trump.
Likliklikan met ni Democratic candidate Kamala Harris ti riribuk a pinarnuay ni Biden ken kunana a saan nga umanamong iti ania man a kritisismo kadagiti tattao.
Iti agdama ket agtultuloy dagiti isaysayangkat da Trump ken Harris a rally idinto nga innem laengen nga aldaw sakbay ti 2024 United States Presidential election.
