LAOAG CITY – Bimmaba ti sumurok 5% ti presio ti langis gapu iti namnama a posible a katulagan iti nagbaetan ti Estados Unidos ken Iran a mangileppas iti tension idiay Middle East uray inbatad ni United States President Donald Trump a saan pay nga insigida a mapasamak.
Ti presio ti Brent crude ket bimmaba ti 5.1% iti $98.22 iti kada bariles idinto a West Texas Intermediate (WTI) ket bimmaba ti 5.2% iti $91.57 iti kada bariles.
Kuna ni Trump iti maysa a social media post a nangrugi ti tension kalpasan ti panangatake ti Estados Unidos ken Israel idiay Iran idi Pebrero 28 a bimmales met ti Iran iti babaen ti missile ken drone attacks kadagiti nagduduma a paset ti rehion.
