LAOAG CITY – Balligi a naarestar ti dati a vegetable vendor iti naiyuswat a drug buybust operastion iti Brgy. 5 ditoy siudad ti Laoag.
Nabigbig ti suspek a ni Teddy Raval Jr., agtawen ti 36 ken residente iti Brgy. 6 ditoy siudad.
Nakumpiskar manipod iti suspek ti maysa a sachet ti maipagarup a shabu nga isu ti nailako babaen iti pulis a nagpammarang a poseur buyer ken agbalor ti maysa a ribo a pisos.
Malaksid iti naaramat iti transakyon ket adda pay ti nayun a maysa a plastic sachet ti maatap a shabu ti nakumpiskar manipod iti ikot ti suspe pakairamanan ti personal a kwarta na ken selpon.
Mainaig iti daytoy, inpetteng ti suspek a ni Raval nga awan ti ik-ikotan na nga iligal a droga.
Inbatad na nga immuna nga adda ti nangayab kenkuana babaen iti binigbig na a traysikel driver a ni Carlo tapno mapan na kitaen ti alegasyon kenkuana a naala iti maysa a cctv footage.
Nu pay kasta, apaman a nagsipnget idi kalman ket dita a naipan iti nakaiyuswatan ti operasyon.
Kabayatanna, inadmitir ti suspek nga addan ti immuna a pannakatiliw na iti kallabes gapu iti iligal a droga ngem saan na a kukua.
Naamoan a ti nasao a suspek ket immunan a naarestar idi 2019 gapu iti kapada a kaso.
Nu pay kasta, nawaya-wayaan daytoy babaen iti plea bargaining.
