LAOAG CITY – Nangparuk-at ti baro a rakurak ni Katrina Ponce Enrile, anak ti pimmusay a dati a Senate President ken Special Adviser to the President a ni Juan Ponce Enrile, tapno lawlawagan ti nagbalin a komento na mainaig iti nagbalin a rakurak ni Senate President Alan Peter Cayetano maipanggep iti relasyon na iti ama na.
Immunan nga inbatad ni Cayetano nga aw-awagan na ti “uncle” ni Enrile, nga ibilang na a mangiparangarang iti maipagarop a kinasinged da iti tunggal maysa.
Iti maysa a Facebook post idi Mayo 14, sumagmamano nga aldaw kalpasan a naipatugaw ni Cayetano kas lider ti Senado ken kalpasan a pimmusay ni Enrile idi Nobyembre 2025, inpetteng ni Katrina a bigbigbigen da ti nabayagen a panagam-ammo ti dua a pamilya ngem inlawlawag na a saan laeng a sarita ti pagrukudan iti pudno a relasyon.
Inkalintegan na pay kadagiti necrological services iti Senado ken dagiti aldaw a panagladladingit da a naobserbaran ti pamilya da no siasinno dagiti nagbalin a present ken saan.
Segun ken ni Katrina, dagiti naudi a rakurak na maipanggep iti panagbalin a nasinged ken ni Enrile ket nangitunda ti liday ken pannakadismaya iti pamilya da ken inpetteng na a masapol a kanayun a napudno iti ken respeto iti panangdakamat ti lagip ti ama na.
