LAOAG CITY – Balligi search warrant operation nga inyuswat dagiti kameng ti PNP-Vintar nga indaulwan ni Police Chief Inspector Jayson Batuyong idiay Brgy. 1 iti ili a Vintar.
Nabigbig ti subject a ni Mr. Rustom Calumpit, dati a kameng ti PNP ken dati a Presidential Guard idi panawen ti Marcos.
Segun ti report, naiwayat ti search warrant gapo iti RA 10591 wenno Comprehensive Firearms, Ammunition and Regulation Act no sadinno a nakalanad ti a masukimat ti maysa a caliber 45 a paltog.
Inbatad ni Batuyong a naibaga ti informant ga adda ti makakitkita kenni Calumpit a nakasabukol ti paltog ken sabali pay ti adda iti bag na no rumwar.
Nakumpiskar dagiti otoridad dagiti tallo a caliber 45, magazine, dua nga armscor, maysa a colt, maysa a magazine long ti armalite, 12 a bala ti caliber 32, 55 a bala ti caliber 45, lima a kapsula ti caliber 45.
Naamoan a nakita ti maysa a caliber 45 iti katre nga adda iti salas da Calumpit ken idi ipagpag da daytoy ket adda pay ti maysa a caliber 45 a paltog idinto a naala ti maysa pay iti cabinet a pakairamanan dagiti dadduma pay a nakumpiskar.
Naamoan a kabayatan ti pannakaiwayat ti operasyon ket saan a naimatangan ni Calumpit gapo ta adda idiay Metro Manila.
