Naarestar ti maysa a lalaki babaen ti naiyuswat a drug buy-bust operation iti Brgy. 50-Buttong ditoy siudad ti Laoag.
Nabigbig ti suspek a ni Jerome Agliam y Navarro, agtawen 48, dati nga agpapaay iti civil security unit ken residente iti Brgy. 14 ditoy siudad.
Nakumpiskar dagiti otoridad iti ikot ti suspek ti walo a sachet a naglaon ti maipagarop a shabu, dua a cellphone, 128 pisos, honda wave 125 motorcycle ken maysa a laptop.
Nausar met iti transakyun ti maysa a sachet a naglaon ti maipagarop a shabu ken 1,000 a pisos a marked money.
Kabayatanna, segun kadagiti otoridad, awan iti druglist ti suspek ken saan a drug surrenderee.
