LAOAG CITY – Immadu pay ti maaw-awat nga endorsement ni United States Vice President Kamala Harris para iti panagpaidasigna iti kina-Presidente inton Nobiembre.
Nangiruar ti napagtipon a rakurak ni dati nga United States President Barack Obma ken ti asawana a ni Michelle a nangibaga a nasken a mangidaulo itan ni Harris.
Maysa ni Obama ti maibagbaga a 100 a prominente a Democrats a kinasarita ni Harris kalpasan nga inrakurak ni President Joe Biden a daytoy ket agsanuden iti panagpailayonna iti kina-Presidente.
Inpasigurado ni Obama nga aramidenda amin tapno mangabak ni Harris.
Inpakita ti dati a Presidente ti bidyu no sadinno kasarsaritada ni Harris a mangipaneknek nga inyendorsoda isuna.
Gaou iti daytoy, nakaala ti adu a Democrats para iti iyuswatda a convention inton bulan ti Agosto.
