LAOAG CITY – Napilaan ti uppat pay a kaso ni dati nga US President Donald Trump gapo iti gandat na a panangbaliktad ti resulta ti eleksyon idi 2020.
Basar iti impormasyon, karaman kadagiti kaso ket ti defraud the United States and an attempt to obstruct an official proceeding.
Nadutukan met ni Special Counsel Jack Smith tapno imatunan ti imbestigasyon kenni Trump karmaan ti pannakainaiga na iti January 6 riot bayat nga iyus-uswat ti kongreso ti panang-sertipika iti panangabak ni President Joe Biden.
Gapo iti daytoy ket napaawagan ti dati a presidente tapno agatendar iti hearing iti korte iti Washington iti aldaw ti Biyernes.
Malaksid pay iti daytoy ket sumangsango pay ti dati a presidente ti mishandling ti classified documents idiay Florida ken ti panangpeke kadagiti business records gapo iti maipagarop a paangbayad na kenni adult star Stormy Daniels.
