LAOAG CITY – Tingitingen ti Department of Budget and Management (DBM) dagiti dokumento iti gakat a nailian a pundo para iti sumaruno a tawen.
Daytoy ket kalpasan nga inaprobaran ni Presidente Ferdinand “Bongbong” Marcos Jr. iti naisayangkat a cabinet meeting ti fiscal year 2027 national expenditure program a mangipakpakita iti kari ti Marcos administration a pagtalinaeden ti panagdur-as ti ekonomia ken mapalawa dagiti oportunidad para kadagiti Pilipino.
Inbatad ni Budget acting Secretary Robert Kim de Leon a karaman kadagiti maisagsaganan ket ti budget documents pakairamanan dagiti annexes ken dadduma pay a supporting details tapno masigurado ti naurnos a transmittal daytoy iti Kongreso.
Iti babaen ti 2027 national budget, siguradoen nga amin a pundo ket usaren kadagiti programa ken proyekto a napateg para kadagiti naruay a Pilipino.
