LAOAG CITY – Dead on arrival ti maysa lalaki kalpasan a nagpakamatay iti paset ti Purok Saniata, Brgy. Kalaw iti ili ti Dumalneg.
Nabigbig daytoy a ni Edgar Galana y Galacinao, agtawen ti 31, awanan ti asawa, truck driver ken residente iti nasao a lugar.
Segun ti PNP-Dumalneg, nagturong ni Angela Garanas y Galasinao, agtawen ti 67, balo, OFW, ina ti biktima idiay Bengui Public market ken pinanawan na ti anak na iti balay da.
Naamoan a bayat a nakaawid ti ina iti pagtaengan da ket nakita na ti anak na a nakabitin iti uneg ti kwarto na usar ti tali.
Dagus a naitaray ti biktima iti Bangui District Hospital ngem naideklara a dead on arrival babaen kenni Dr. Noel Castillo.
