LAOAG CITY – Umabot iti pito nga indibidual ti natay kalpasan a narpuog ti adigi iti maysa nga hospital complex idiay Bengaluru, India.
Karaman kadagiti natay ti maysa nga ubing, uppat nga street vendor ken dua pay nga indibidual manipud iti Kerala basar ken ni D. K. Shivakumar.
Inawagan nga “unfortunate” ni Indian Prime Minister Narendra Modi ti insidente iti maysa a rakurak iti social media.
Nasugatan ti tallo a tattao ken manarimaan a matamtaming iti ospital.
Basar kadagiti otoridad, maysa a babai ti nasugatan ken naipadalan iti sabali pay a pannakaagasna kalpasan a naipaayan ti pakpakauna a medikal a tulong.
Nadakamat a naaddaan ti kellaat a panagbalbaliw iti panawen iti siudad kalpasan ti sumagmamano nga aldaw a nabara ti panawen.
Napasaran ti napigsa a tudo ken angin kasta pay ti panagtudo ti yelo iti sumagmamano a paset ti Karnataka a posible a nangitunda iti insidente.
Agtultuloy nga im-imbestigaran dagiti otoridad ti namunganayan no apay a narpuog ti adigi kabayatan nga am-ammoen ti pakabuklan a pannakadadael gapu iti dakes a paniempo.
