LAOAG CITY – Nagbalin nga emosyonal ti aktor a ni Buboy Villar iti pananglagip na kadagiti raket idi kaub-ubingan n tapno matulungan na ti ina na.
Inbatad ni Buboy a karaman kadagiti nagbalin a raket na ket ti panagpidot ti basura iti rabii agingga iti parbangon, no sadinno nga iti aldaw ket isu met ti iseserrek na iti pagadalan.
Segun iti aktor, kanayun idi a mabully isut gapuna a masansan met a makiriri iti pagadalan.
Nupay kasta, gapu iti kinatured na ket napanunot na ti makipaset iti maysa a singing contest no sadinno nga inpatungpal na daytoy nga agmaymaysa ken saan nga ammo ti ina na.
Inrakurak ni Buboy nga awan man ti naawat na a premyo ngem napalalo ti ragsak na idi inyawatan da lattan ti bagas nga isu ti inyawid na para iti pamilya da.
Innayon na a gapu ta pursigido a maiyaon ti pamilya na iti kinarigat ket nagdesisyon nga agturong iti Manila manipod iti Cebu, ngem saan a nagbalin a nalaka ti nagpasaran na sakbay a nakastrek kas artista.
Maipalagip a nagakem ni Buboy kas Ding, sidekick ni Darna, nga inakem ti aktres a ni Marian Rivera iti “Darna” idi 2009 nga isu ti nangrugyan ti karera na no sadinno nga iti dayta a gundaway ket Grade 4 paylaeng idi ti aktor.
