LAOAG CITY – Inlippasen ti National Basketball Association defending Champion Denver Nuggets ti first round playoffs-da ti Los Angeles Lakers iti iskor nga 108-106 ken makumpleto ti 4-1 a serye.
Bimmida iti panangabak ti Denver ni Jamal Murray a nakairekord ti 32 points pakairamanan ti jump shot daytoy a simrek iti nabatbati nga uppat a segundo ti ay-ayam.
Nakaaramid met ti 25 points, 20 rebounds ken siam nga assists ni two-time National Basketball Association Most Valuable Player Nikola Jokic ken 26 points met ni Michael Porter Jr.
Gapu iti panagballigida ket nakastreken ti Nuggets iti Western Conference semi-finals kontra iti Minnesota Timberwolves.
Nasayang met ti 30 points, 11 assists ken siam a rebounds ni LeBron James.
