LAOAG CITY – Inbatad ti defense team ni VP Sara Duterte a maawatanda ti desision ti Korte Suprema a mangibasura iti petision a mangkuwestion iti agsasaruno a panagdengngeg ti House Justice Committee iti impeachment complaint kontra iti bise presidente.
Segun ken ni Deputy Spokesperson ti Defence team a ni Atty. Justin Nicol Gular, ti panangibasura ti Korte Suprema iti petision ket saan a naibasar iti merit wenno kadagsen dagiti argumentoda a nakapalaon iti petision.
Kinunana a na-dismiss daytoy gapu ta ‘moot and academic’ iti agtultuloy a panagdur-as ti panagdengngeg iti impeachment court.
Segun kenkuana, a namnamaen ti depensa ti desision ken respetarenna ti desision ti panel.
Mainaig iti daytoy, inparuk-at ti Korte Suprema ti desisionna kadagiti consolidated petitions a naipila kabayat ti deliberasion ti Justice Committee kadagiti reklamo kontra ken ni VP Sara.
Ti nasao a petision ket inpila ti kampo ni VP Sara ken dadduma pay a grupo dagiti abogado a supporters ti pamilia Duterte.
