LAOAG CITY – Inlawlawag ni Mr. Ronald Estavillo, airport manager ti Laoag International Airport (LIA) nga awan ti kontrol ti management iti pannakadelay ti byahe iti anyaman nga eroplano.
Daytoy ti sungbat ni Estavillo kalpasan nga adda dagiti dimmanon a reklamo dagiti pasahero dagiti agbibiyahe nga eroplano, rumuar ken sumrek iti nasao nga eropuerto.
Segun kenkuana, ti mismo airline company ti akin-kontrol ti byahe wenno oras ti itatalaw da iti paggapwan na a lugar kalpasan a makaidiskarga kadagiti pasahero ken kargamento.
Inlawlawag ni Estavillo a maysa kadagiti makagapo ti pannaka-delay dagiti flights iti LIA ket iti iduduprak ti bagyo idiay Visayas ken Mindanao.
