LAOAG CITY – Natukkol ti akin-kannawan a saka ti driver ti motorsiklo kalpasan a dinungpar na ti sarsarunwen na a kotse iti paset ti Barangay Balacad, Paoay, Ilocos Norte.
Nabigbig ti biktima a ni Aristotle Calumba y Padaca, agtawen ti 30, delivery boy, residente iti Barangay 30 iti ili ti Paoay idinto a ti nangiturong ti kotse ket ni Mr. Ferdinand Labiqui y Casil, agtawen ti 52, mannalon, ken residente iti Barangay Suba iti met laeng nasao nga ili.
Iti imbestigasyon ti PNP-Paoay, agpapa-abagatan a direksyon ni Labiqui nga agawid koman iti balay da ken iti agkurba iti akin-kannigid a paset ti kalsada ket kellaat lattan a dinungpar ni Calumba.
Inbatad ti PNP a napardas ti panagpataray ni Calumba isut gapuna a saanna a napakadaan ti panagsignal light ni Labiqui iti panagkurba na.
Nagtalinaed pay laeng iti ospital ni Calumba ken saan pay a masinunuo no mano amin ti balor dagiti nadadael gapu ta saan pay a nakapagsarita dagiti maseknan.
