LAOAG CITY – Dumanonen ti bilang ti kaso ti dengue ditoy pagilian manipud idi Enero 1 agingga iti Marso 15, 2025 iti pakabuklan a 76,425 basar iti Department of Health (DOH).
Nangatngato daytoy ti 78% maidasig iti 42,822 a nairekord iti kapada a period iti napalabas a tawen.
Kabayatanna, ti case fatality rate ket nagtalinaed iti nababbaba ti 1%.
Naammoan a karaman kadagiti rehion nga addaan ti kangatoan a kaso ti dengue ti CALABARZON nga addaan ti 15,108 a kaso, National Capital Region a 761 a kaso ken Central Luzon iti 12,424 a kaso.
Kaaduan kadagiti pasiente ken agtawen ti 14 ken agpababa.
Agtultuloy ti ballaag ti Department of Health iti publiko a dalusan dagiti lugar a mabalin nga agserbi kas breeding grounds para kadagiti lamok.
