LAOAG CITY – Inpasigurado ti Department of Agriculture (DA) nga adda umdas a suplay dagiti kangrunaan a taraon kadagiti merkado, nangruna iti Metro Manila ita nga holiday season.
Segun ken ni Agriculture Secretary Francisco Tiu Laurel Jr., nangisayangkatda ti inpekssyon kadagiti merkado kadwa da ti Department of Trade and Industry (DTI).
Kunana a dagiti kangrunaan a tagilako nga inmonitor da ket ti suplay ken presyo ti karne ti baboy, baka ,manok, isda, agraman dagiti nateng a mailaklako kadagiti Rice-For-All (RFA) Kiosk.
Mainaig iti daytoy, binalakadan ni Laurel dagiti aglaklako a saan da a gundawayan ti pannagipangato ti presyo ita nga holiday season.
Kunana nga itultuloyda ti monitoring da kadagiti merkado publiko tapno masigurado a patas ti panangipatungpal da kadagiti regulasyon ti Department of Agriculture.
