LAOAG CITY – Ibilang ni Atty. Donato Balderas Jr., ti Schools Division Superintendent ti Department of Education – Ilocos Norte a ballaigi iti kalepleppas a Pre-national qualifying meet a naisayangkat ditoy probinsya.
Maipalagip a nangrugi ti nasao a pre-qualifying meet idi Hulyo 17 no sadinno a dagiti nakagun-od iti rank 1 ken 2 ket isu iti mangirepresentar iti cluster 1 iti Palarong Pambansa a bukbuklen iti region 1, region 2, region 3 ken cordillera administrative region.
Ti Palarong Pambansa ket maisayangkat iti Marikina City mangrugi intono Hulyo 29 agingga iti Agosto 5 ita a tawen.
Immunan a naideklarar dagiti nagballigi a nakagun-od ti Rank 1 ken Rank 2 iti kalepleppas a Pre-national qualifying meet ditoy probinsiya kabayatan ti awarding ceremony and closing program nga addaan ti tema nga “SPORTS FOR PEACE” a naisayangkat iti Centennial Arenna ditoy ciudad ti Laoag idi kalman.
Iti biang ti Elementarya, ti basketball ket Rank 1 ti region 3 idinto a rank 2 ti region 1; Baseball (rank 1 ti region 3 ken rank 2 ti Region 1; Football (rank 1 ti region 1, rank 2 ti region 3); Sepaktakraw ( rank 1 ti region 3, rank 2 ti region 2); Softball (rank 1 ti region 3 ken rank 2 ti region 1); Valleyball boys ( rank 1 ti region 3 ken rank 2 region 2); Valleyball girls (rank 1 ti region 1 ken rank 2 ti region 3).
Iti met Sekondarya, ti baseball ket Rank 1 ti region 2 idinto a rank 2 ti region 1; Basketball boys (5×5), (rank 1 ti region 3 ken rank 2 ti CAR; Basketball boys (3×3), (rank 1 ti CAR ken rank 2 ti Region 3; basketball girls (5×5), (rank 1 ti region 3 ken rank 2 ti Region 1); basketball girls (3×3), (rank 1 ti region 3 ken rank 2 ti Region 1); Football (rank 1 ti region 1, rank 2 CAR); Futsal ( rank 1 CAR 3, rank 2 region 2); Sepaktakraw boys ( rank 1 ti region 3, rank 2 ti region 1); Sepaktakraw girls( rank 1 ti region 1, rank 2 ti region 3);Softball (rank 1 ti region 3 ken rank 2 ti CAR); Valleyball boys ( rank 1 ti region 1 ken rank 2 region 3); Valleyball girls (rank 1 ti region 3 ken rank 2 ti region 1).
Mainaig iti daytoy, napadayawan pay ti Baccara Comprehensive High School, San Nicolas elementary School, Sarrat National High School, Ilocos Norte National High School ken BAccara Central Elementary School a nagserbi a kas playing venue ken nagnaedan dagiti atleta.
Kabayatanna, iti panagbitla ni Gov Matthew Marcos-Manotoc kabayatan ti awarding ceremony and closing program ket dinayaw ken kinablaawan na amin dagiti atleta.
Saan na met a nalipatan ti nagyaman kadagiti amin nga adda iti likudan ti naimballaigian a pre-Qualifying Meet a naiyuswat ditoy probinsya.
