LAOAG CITY – Inlawlawag ni Mrs. Cherry Joy Garma, ti Information Officer ti DepEd-Ilocos Norte a kalpasan ti Hulyo 2 ita nga school year 2021-2022 ket saanen a mandatory ti panagreport dagiti teaching positions kadagiti pagadalan.
Segun kenni Garma, ti kangrunaan nga ibagbaga dagiti mangisursuro ket ti pananglippas na iti school forms.
Nupay kasta, inbatad ni Garma a dagitoy nga School forms ket nasken kuma a malpas sakbay nga aglippas ti school year.
Inbatad na a no no mai-require man ti panagreport dagiti mangisursuro kadagiti pagadalan bayat ti school break ket nasken pay laeng nga aprubaran nga ummuna ti Schools Division Supt.
Ditoy a mangisubmitir ti school head no sadinno ilanad na amin dagiti rason ken nagbasaran na no apay a kasapulan nga agreport iti pagadalan dagiti maseknan a mangisursuro ken nasken a maikkan dagitoy ti school credits.
Ummuna iti daytoy, kinondenar ti Alliance of Concerned Teachers (ACT) Philippines ti panagreport dagiti mangisusuro nupay nalpasen ti official school year calendar, ken inawagan na dayto kas baro a klase ti forced labor.
Kabayatanna, inbatad na a dagiti non-teaching personnel ket awan ti school break dagitoy.
