LAOAG CITY – Inpasigurado ti Department of Education a maipaayan ti proteksion ti kasasaad ken karebbengan dagiti mangisursuro nga agserbi inton May 12 National and Local Elections.
Inbatad ni Department of Education Secretary Sonny Angara a napateg a maipaay ti naiget a suporta dagiti mangisursuro nga agserbi inton eleksion.
Naammoan nga adda ti inlatang ti Department of Education ti Election Task Force (ETF) a mangipaay ti real-time monitoring, assistance ken panagresponde iti panawen ti eleksion.
Agbalin a fully operational ti Department of Education Election Command Center manipud idi Mayo 11 agingga iti 13 no sadinno a ti headquarters ket masarakan iti siudad ti Makati.
Kadua ti Department of Education iti Election Task Force operation center ti Commission on Elections, Public Attorneys’ Office ken sumagmamano a law enforcement agencies.
