LAOG CITY – Nagsinnungbat ti depensa ken prosekusion iti baet ti cross examination iti testigo a ni Xylene Mae Del Campo manipud iti Commission on Audit (COA) iti maika-15 nga aldaw ti impeachment trial ni Vice President Sara Duterte ita nga aldaw, Agosto 12.
Kinontra ni Prosecution counsel Atty. Lorna Kapunan ti panagpasardeng ni Defense counsel Atty. Kristine Ferrer iti testtigo bayat nga agsasao pay laeng daytoy.
Mainaig iti daytoy, inreklamo met ti depensa ti saan a direkta a panagsungbat ti testigo kadagiti saludsod a “yes or no” laeng ti sungbat. Inpettengna nga adda dagiti gundaway ti prosecution counsel nga agsaludsod ti clarificatory questions iti redirect examination.
Gapu iti daytoy, simmungbat ni Kapunan a kinunana: “Never mind if you are in cross. There are limits to cross examination. Misleading questions are not allowed to cross.”
Iti baet ti panagsinnungbat dagiti dua ket ditoyen a pinagsardeng ni Presiding Officer Francis Escudero dagiti dua a segun kenkuana, a maipagrup arigna “generational divide” ti defense ken prosecution counsel.
Nagleppas met ti tension iti Impeahment Court gapu iti panangidakamat ni Atyy. Ferrer a nangato ti panagkitana ken ni Atyy. Kapunan a sinang-yunan met dagiti private prosecutor.
