LAOAG CITY – Inbatad ni Sen. Imee Marcos kas Chairman ti Foreign Relations a masapol a papigsaen ti depensa ti pagilian a Pilipinas mainaig iti mapaspasamak riribuk iti West Philippine Sea.
Segun kenkuana, saan kuma nga agpalpaluko ti pagilian iti siasinno man a mangibagbaga nga isuda ket kaalyado ti pagilian sipud ta awan ti kariri ken napigsa a depensa ti pagilian.
Patien ti Senadora, a masapol a maisubli ti self-reliance defense posture ti Dati a Presidente Ferdinand Marcos Sr. sipud ta iti agdama ket agpalpalama laeng ti Pilipinas iti sabali a pagilian.
Mainaig iti daytoy, ket kas dagiti simple a paltog indnto a ti pagilian ti dati nga aglaklako ken agangangakat iti bala, mini cruiser, ken dagiti bomba.
Kabayatanna, kinuna ti Sen. Marcos nga uray natured ti maysa nga Ilokano ket saan a basta nga aggaraw gapu ta mabalin a maisarang tayo iti peggad nangruna ket adda dagiti mangmangegan a missiles ditoy probinsia.
