LAOAG CITY – Manamnama a bumisita ditoy pagilian ni New Zealand Deputy Prime Minister Winston Peters ita a lawas.
Basar iti Department of Foreign Affairs, adda iti official visit ni Peters nga isu met ti Foreign Affairs Minister ti New Zealand ket makataripnongna ni Foreign Affairs Secretary Enrique Manalo.
Talantanen dagiti dua maipapan iti panangpapigsa ti bilateral relations ken ti pannakapaiget ti kooperasion iti defense, ekonomia, renewable energy ken people-to-people linkages.
Maipalagip nga idi Abril ket nakasarsarita ni Presidente Ferdinand Marcos Jr. ni New Zealand Prime Minister Christoper Luxon iti Malacanang ken tinalantanda ti kumarkaro a tension iti West Philippine Sea.
