LAOAG CITY – Ikonkonsiderar ti Department of the Interior and Local Government (DILG) ti mangikabil ti patong iti ulo ni Senador Ronald dela Rosa para iti al-alisto a pannakaarestar na.
Iti agdama ket wanted ti International Criminal Court (ICC) ti dati nga hepe ti Philippine National Police (PNP) gapu iti maipagarop a papel na iti nadara a war on drugs iti babaen ti administrasyon ni dati Presidente Rodrigo Duterte.
Segun ken ni Department of the Interior and Local Government Secretary Jonvic Remulla, possible a mangipaay da ti reward money tapno makemmeg ti senador.
Nupay kasta, inbatad ti sekretaryo a saan pay nga epektibo iti agdama isut gapuna a kitkitaen da dagiti kasapulan nga aramiden da.
Maipalagip nga iti kallabes ket nangidiaya met ti ahensya ti P20 milyon a gunguna iti makaipaay ti impormasyon tapno maarestar ti gambling tycoon a ni Atong Ang, nga agdama a wanted iti kaso na a kidnapping gapu iti panagpukaw ken maipagarop a pannakapapatay ti sumuruk-kumurang a 34 a mammallot.
Iti baet ti dakkel a gunguna ket nagtalinaed paylaeng a nawaya ni Ang idinto a nakabaluden dagiti pada na nga akusado.
