LAOAG CITY – Naruay dagiti tattao a napupuk iti uneg iti shopping centre kalpasan ti napigsa a gingined a timmama iti south-west Japan.
Basar iti report, adda ti napigsa a panagbettak iti Aeon Mall iti Kumamoto prefecture kalpasan ti idadayyeg ti magnitude 7.1 a gingined.
Timmama ti gingined iti Kyushu island no sadinno nga umabot iti 300,000 nga indibidual ti naikabil kadagiti evacuation shelters.
Ti Japan ket maysa kadagiti pakapaspasamakan dagiti napipigsa a gingined iti lubong no sadinno nga agarop 1,500 a gingined ti mapaspasaran da iti kada tawen.
Natalak met ti Aeon Mall a nationwide chain nga agop-operar ti agarop 160 a centres iti intero a Japan, pakairamanan ditoy ti department stores, boutiques, pharmacies ken food courts.
Immunan a naireport a dinosdosena a tattao dagiti nasugatan kalpasan ti napigsa a gingined.
