LAOAG CITY – Umabot iti 79 a tattao ti natay a pakairamanan ti 17 nga ubbing kalpasan a nagdidinnungpar ti maysa a truck, bus ken motorsiklo iti probinsya ti Herat idiay Afghanistan.
Daytoy ti kinumpirmaran ti pannakangiwat ti Interior Ministry ti Taliban.
Basar iti report, ti nasao a bus nga agturong iti Kabul ket nauram kalpasan a nakadinnungpar na ti truck ken motorsiklo.
Naamoan a ti bus ket nagluganan dagiti Afghan migrants a naideportar manipod iti Iran.
Inbatad ni Ahmadullah Mottaqi, ti Director of information and Culture ti Taliban iti Herat a pimmusay amin dagiti nakalugan iti bus idinto a dua met dagiti natay manipod iti dua pay a behikulo.
