LAOAG CITY – Inbatad ni Father Joey Ranjo, ti pannakangiwat ti Diocese of Laoag nga adda ti bukod a tribunal ti simbaan Romano Katoliko a mangtratar no adda ti mayat a mangpawaswas ti kasar na.
Inlawlawag na a dagiti mangtratar ti kaso ket paspasig nga agpapaay met laeng iti simbaan.
Segun kenkuana, alisto laeng ti proseso ken saan a dakkel ti magastos.
Kuna pay Ranjo a makita no adda umiso a rason tapno mapaawan ti bileg ti kasar dagiti maseknan
Nupay kasta, kuna ni Ranjo a no nagkasar dagiti agasawa ken nairehistro iti Civil ket masapol a saan laeng nga iti simbaan ti pakawaswasan na no di ket uray iti civil.
Kabayatanna, inbatad ni Father Ranjo a karaman kadagiti rason no apay a palubusan ti simbaan a mawaswas ti kasar dagiti agasawa ket mabalin a ti maysa kadakuada ket napilitan a nakikasar, saanna a maannong ti responsibilidad da ken dadduma pay.
Innayon na a no bilang mawaswas ti kasar dagiti maseknan ken mapanunot da ti agsinublianan ket mabalin danto manen ti agkasar.
