LAOAG CITY – Kinumpirmaran ni Mr. Rodolfo Christian Fariñas III a nasungbatan nan ti inpila a disqualification case ti kabalubal na iti kina-kapitan iti Barangay Buyon iti ili ti Bacarra a ni Derick Velasco.
Nupay kasta, kuna ni Fariñas nga awan pay ti sungbat ti Comelec.
Segun ken ni Fariñas, pinilaan ni Velasco ti kaso gapu ta ipetpetteng na a maysa laeng nga storage area ti pagnanaedan na iti nasao a barangay.
Nupay kasta, inpetteng na a maysa a balay daytoy ket isut pagnanaedan na sipud natay daydi kabsat na.
Innayon ni Fariñas nga addan maysa a tawen ken lima a bolan nga agnanaed ti nasao a barangay.
