LAOAG CITY – Kinumpirmaran ni Atty. Ferdinand Ignacio a nadismiss ti napila a disqualification case kontra kenni dati a Mayor Jessie Galano iti ili ti Paoay.
Segun kenni Ignacio, agpapan kadagitoy a gundaway ket kwalipikado ti panagpaidasig ni Galano kas Mayor iti napalabas nga eleksyon.
Kunana a ti laeng lapped ket ti desisyon ti Office of the Ombudsman a mangibagbaga a maipawil kenni Galano ti agtugaw iti anyaman a posisyon iti gobierno.
Innayon na a no kontraen ti Korte Suprema ti desisyon ti Ombudsman ket agsubli kas Mayor ni Galano iti nasao nga ili.
