LAOAG CITY – Naminsan manen nga inpetteng ni Defense Secretary Gilberto Teodoro Jr. a saan a nakalukat ti gobierno iti maaddaan ti peace talks kadagiti miembro ti New People’s Army.
Inaramid ni Teodoro ti rakurak kalpasan a nakitaripnong ken ni Negros Occidental Governor Eugenio Jose Lacson ken sumagmamano nga opisial idiay Bacolod City.
Inpaganetgetna a target-da a maparmek dagiti amin nga armado a rebelde.
Nupay kasta, inlawlawagna nga aw-awaten ti gobierno dagiti rebelde a sitatallugod nga agsubli iti gobierno.
Maipalagip nga idi Abril 19 ket nagrinnupak dagiti suldado kadagiti kameng ti New People’s Army.
Immuna iti daytoy, tawen 2023 idi immannugot ti administrasion ni Presidente Ferdinand Marcos Jr. nga ituloy ti peace negotations iti National Democratic Front of the Philippines no sadinno nga agpada dagitoy a nagpirma ti katulagan.
