LAOAG CITY – Pabor ni Doctor Alan Taylan iti inlungalong ni Senador Raffy Tulfo a maipaayan ti full scholarship dagiti nursing students ditoy pagilyan.
Nupay kasta, masapol nga agtrabaho paylaeng agingga iti lima a tawen dagiti maseknan kalpasan nga agturpos dagitoy.
Inlawlawag ni Doctor Taylan nga iti agdama ket adon dagiti nagturpos iti nasao a kurso a libre ti panagadal da.
Nupay kasta, kuna na a no nayunan ti gobierno dagiti estudyante nga ipalubos dagiti unibersidad a manggundaway iti full scholarship ket napintas unay.
Mamati ni Doctor Taylan a babaen iti daytoy nga addang ket makatulong tapno malitupan ti panagkurkurang ti ado a nurses wenno health care workers ditoy pagilyan.
