LAOAG CITY – Plano ti gobierno ti agipatakder ti saan a bumaba nga oil storage reserve kalpasan ti 2027 wenno iti umuna a paset ti 2028 tapno makissayan ti epekto ti kinakurang iti suplay ken panagngato ti presio ti krudo.
Mapatta-patta nga umabot ti P5 billion ti magasto iti nasao a pagimbakan para iti maysa a milyon a bariles ti krudo. Segun ken ni Garin, makisarsarita daytoyen iti Philippine National Oil Company ken Department of Energy (DOE) iti Maharlika Investment Corp. para iti nasao a proyekto.
Kageddan daytoy ti panagkiddawti DOE iti Senado a maikkan aytoy ti nalawlawag a turay kontra iti oil hoarding gapu ta saan a kabaelan ti Oil Deregulation Law a bantayan dagiti oil hoarding isu ti gapu na a kasapulan pay ti pannakikoordinar iti Philippine National Police (PNP), Department of Trade and Industry (DTI), Department of Justice (DOJ), ken nagduduma pay nga ahensia tapno maikkan ti tignay ti kaso ti hoarding.
